添記海鮮

September 2, 2018

 

Earthero: 你對環保有咩想法?

 

添記: 口講囉,我覺得要做環保不如由源頭開始啦。整啲冇咁多化學野嘅塑膠囉,賣膠賣貴啲咪用少啲囉,有得回收就會一直用!

 

Earthero: 通常有冇人自己帶盒?

 

添記: 有啲人怕濕囉,有盒又要袋。 有人試過唔記得買,又特登去買,咁都唔係環保,明明屋企有。

 

Earthero:  你以前冇膠袋係點嫁?

 

添記: 上一代係用鹹水草同報紙。包粽個啲草呀!以前啲蟹都係用尼龍束住,宜家冇啦 。

 

Earthero: 宜家都政府多左搞環保野,好似撿走廚餘咁用泥做肥料咁。

 

添記: 不過有時係做樣嘅,有人收不過就係收少少就當交差。

 

Earthero: 有冇人一次過攞好多膠袋呀?

 

添記: 有嫁!我覺得真係要減少膠袋係要商戶同客人都要畀錢囉。本身膠袋都唔值錢好容易比多左,雙方都要比會好啲。有時派好多環保袋比我地都冇用。其實成本貴啲咪冇人用,好似我試過買杉要比多$2我都會諗諗啦!

 

Earthero: 你有冇見過啲魚入面見過膠袋?

 

添記: 冇呀。呢啲好多係養魚呢,點會有姐,海都冇咁多膠袋食 。

 

Earthero: 有嫁!膠袋要好內先分解,魚又唔識分。

 

添記: 係呀,冇野食咪食膠袋囉!以前啲漁民捉到啲魚毛蝦仔會放返落海,宜家冇啦,沒成本請人做分類。我地收到又賣唔到,會丟掉,又浪費。魚又冇野食 ,咪食膠袋囉。

 

 

 

Share on Facebook
Please reload

© 2018 by Earthero Project.