榮記豬肉

September 14, 2018

Earthero: 你對用膠袋有咩睇法,有冇人自備盒呢?

 

榮記: 我地都唔中意用膠袋,一來為環境著想,二來我地都要畀錢買架嘛。起初啲人賣豬肉係用白紙包住嘅,果陣時你父母都未岀世啦。老實講,膠袋實在太方便快捷啦,你比我揀我都會用返膠袋,好難唔用。都有人帶盒來買,不過一百個人裡面有一兩個左右囉,通常係後生仔。

 

Earthero: 有冇聽過可分解嘅膠袋?

 

榮記: 聽落好似會貴啲,呢啲就一定係政府帶頭做啲野架啦。其實好多人會鍾意用,可以環保一點,我地都唔想搞到個地球咁差。

 

Earthero: 你係呢個行業做左十年,跟據觀察你覺得大家嘅環保意識有冇增強?

 

榮記: 大家都係帶環保袋裝膠袋,攞住咁多盒去街市買餸始終好麻煩。習慣好難改,依家先話膠袋唔好、用少D膠袋已經遲左50年啦。不過以前就一定冇人自備盒嘅。

 

Earthero: 你對街市收集廚餘有咩睇法呢?

 

榮記: 希望唔好三分鐘熱度啦,應該一日收兩次,但有時都唔見人來收嘅。我地好贊成呢樣野,只係用個箱載起啲切出來可回收嘅野,又唔嘥時間。

 

 

 

Share on Facebook
Please reload

© 2018 by Earthero Project.